1. For a heidra minnet om Edvard B. Hegbom skal privatpersonar, firma, lag og organisasjonar ha høve til a gje gaver. Desse gåvene skal setjast av på eit fond med namnet Edvard B. Hegbom sitt minnefond. Den fonds-kapitalen som vert innbetalt skal plasserast på eigen konto i bank til høgast mogleg rente og stå urørd i framtida.
2. Dei renter den innestaande kapitalen kastar av seg skal årleg nyttast:
a) til ein heiderspris kalla Edvard B. Hegbom sin heiderspris. Denne heidersprisen skal delast ut til ein idrottsleiar styret for fondet meinar har gjort ein framifrå innsats for idrottsarbeidet mellom born og ungdom i Voss kommune.
b) til eitt eller fleire idrottsstipend som skal delast ut til idrottsutøvarar under 18 år på Voss, uansett idrott, som styret for fondet meinar har gjort den største sportslege framgang i føregånde år. Saman med stipendet skal det delast ut eit synleg bevis for tildelinga.
3. Styret for fondet er det til ei kvar tid sitjande arbeidsutvalet for idrottsrådet for idrottslaga på Voss. Styret skal ta avgjerd om kven som skal få utdelt prisen før årsmøtet i idrottsrådet kvart år. Heidersprisen og idrottsstipenda skal delast ut under det årlege arrangementet på idrottsplassen kvar 17.mai eller ved ei anna høvleg tilskiping.
4. Dersom renteavkastinga på fondet ikkje er stor nok til at ein kan oppretthalda storleiken på fondet og samtidig dele ut heiderspris og stipend, har styret fullmakt til å redusere fondskapitalen for å ivareta målsetjinga i pkt. 2 a. og b. I so fall skal tildelinga av heiderspris etter pkt. 2 a ha prioritet.
Dette kan medføre at fondskapitalen på sikt vert oppbrukt og dermed må minnefondet avviklast.
5. Styret for fondet pliktar å føra eige rekneskap for fondet. Rekneskapet skal fylgja kalenderaret og avsluttast i god tid før idrottsrådet sitt årsmøte.
Rekneskapet skal reviderast av den valde revisor i idrottsrådet og skal godkjennast av årsmøtet i Voss idrottsråd.